“Shumë persona të fuqishëm dhe me ndikim nuk e duan paqen sepse jetojnë nga luftërat nëpërmjet industrisë së armëve”. Këtë ka thënë Papa Fancesco ndërsa iu është përgjigjur pyetjeve të fëmijëve të “Fabbrica della Pace”.
“Kjo është një gjë e rëndë, pasi disa të fuqishëm sigurojnë jetën dhe pasuritë e tyre nëpërmjet fabrikimit të armëve. Kjo është industria e vdekjes dhe prej saj ata jetojnë”, ka thënë Papa.
Kreu i Vatikanit ka folur për ata që “i shesin armët njëri kundër tjetrit dhe më pas tjetri kundër të parit”. “Ju e dini se është lakmia ajo që na shtyn drejt të keqes. Është dëshira për të pasur më shumë, më shumë, gjithmonë e më shumë. Në këtë moment ne fillojmë të besojmë se gjithçka vërtitet rreth parasë”,- ka thënë ai përpara 7 mijë fëmijëve të mbledhur në sallën Paolo VI.
“Sistemi ekonomik vërtitet rreth parasë’,- vijoi ai më tej,- “jo rreth njerëzve, femrës dhe mashkullit. Sakrifikohet shumë dhe bëhen lufta për të mbrojtur paranë”.
“Kjo është arsyeja se njerëz të tillë, të fuqishëm dhe të pushtetshëm nuk e duan paqen,- shtoi Papa duke thënë se: “Fitohet më shumë nëpërmjet luftës. Fitohen para por humben jetë, humbet kultura, edukimi dhe shumë gjëra të tjera. Një prift i moshuar që njihja thoshte kështu: ‘djalli hyn përmes portofolit’. Lakmia, kjo është arsyeja që shumë njerëz nuk e duan paqen”. /tesheshi.com/
