Një gjendje paniku ka mbërthyer aeroportin e Hamburgut, pasi me dhjetëra njerëz që gjendeshin aty u ankuan për probleme me frymëmarrjen dhe djegie të syve. Ka qenë i menjëhershëm reagimi i autoriteteve, duke ndaluar fluturimet dhe evakuuar të gjithë njerëzit, nën frikën e ndonjë zulmi të mundshëm terrorist.
Autoritetet lokale në Hamburg thanë se rreth 50 persona shfaqën probleme fizike, pasi një substancë ende e panjohur u përhap përmes sistemit të ajrimit të ndërtesës. Incidenti u verifikua në zonën e aeroportit ku kontrollohen bagazhet dhe pasagjerët, pasi këta të fundit që fillimisht u ankuan për një erë të rëndë.
Të dëmtuarit morën ndihmën e parë jashtë ndërtesës së boshatisur të aeroportit dhe sipas policisë, nuk lindi nevoja për të dërguar askënd në spital. Tashmë po hetohet se ç’qe ajo lëndë dhe si ka ndodhur të përhapet në ambientet e areoportit. /tesheshi.com
