Droni luftarak turk Bayraktar Akinci B, i pajisur me dy motorë 750 kuajfuqi, theu edhe një herë rekordin e vet të fluturimit dhe konfirmoi suksesin e projektit AKINCI të zbatuar nga Baykar nën kujdesin e Drejtorisë së Industrisë së Mbrojtjes të Presidencës Turke.
Baykar tha se droni Bayraktar Akinci B theu rekordin e tij të lartësisë së fluturimit për herë të tretë dhe se kjo u arrit gjatë testeve të qëndrueshmërisë, lartësisë dhe shpejtësisë të kryera më 21 qershor në prani të delegacioneve nga Drejtoria e Industrisë së Mbrojtjes së Turqisë dhe Komanda e Luftës. Forcat Ajrore Turke presin të marrin përsipër avionë të tillë.
Testimi u krye në Qendrën e Fluturimit, Trajnimit dhe Testimit të Aeroportit Corlu, ku Bayraktar Akinci B kreu një fluturim që zgjati 20 orë e 23 minuta dhe arriti një lartësi rekord prej 45,118 këmbësh (13,716 metra).
Yet again, the Bayraktar #AKINCI broke another national altitude record! ✈️🐳🚀
It broke its own previous record again for an altitude acheived by a native-made aircraft in Türkiye:
4️⃣5️⃣,1️⃣1️⃣8️⃣ feet! 🌍🇹🇷 pic.twitter.com/w7QoDN5OOv
— BAYKAR (@BaykarTech) June 22, 2022
Bayraktar Akinci A, i pajisur me dy motorë 450 kuajfuqi, fillimisht vendosi një rekord të lartësisë së fluturimit më 8 korrik të vitit të kaluar, pasi u ngjit në një lartësi prej 38,039 këmbësh.
Varianti i tij më i avancuar, Akinci B, fluturoi në një lartësi prej 40,170 këmbësh më 11 mars të këtij viti, dhe 45,118 këmbët e arritura këto ditë është një rekord i ri për markën turke me famë botërore Bayraktar.
Akinci B përfundoi me sukses aktivitetin e testimit pasi gjatë fluturimit që zgjati 20 orë e 23 minuta ka kaluar gjithsej 6406 kilometra dhe është testuar edhe shpejtësia e fluturimit.
Vitin e kaluar, Baykar eksportoi dronë me vlerë 664 milionë dollarë, burimi më i madh në industrinë e mbrojtjes, sipas Unionit të Eksportuesve Turq. /tesheshi.com/
