Më shumë se dy milionë myslimanë nga e gjithë Bota ndodhen në vendin e shenjtë të Mekës për të kryer obligimin e Haxhit.
Autoritetet saudite thanë të shtunën se pelegrinazhi i tanishëm i Haxhit, tubimi më i madh vjetor i myslimanëve, kaloi pa probleme sigurie dhe shëndetësore, gjatë kohës që qindra mijëra pelegrinë po kryenin këtë ritual.
“Haxhi i këtij viti shkoi përsosmërisht mirë,” tha zëdhënësi i Ministrisë së Brendshme Saudite, Mansour al-Turki.
Vlerësohet se 2.3 milionë muslimanë nga mbarë Bota po marrin pjesë në Haxhin e këtij viti, i cili pritet të përfundojë të dielën.
Besimtarët myslimanë në ditën e dytë të Kurban Bajramit, në Urën e Xhemratit, kryen një tjetër hedhje të gurëve në Mina, që simbolizon gurëzimin e Shejtanit.
Të dielën në mëngjes, është planifikuar të kryhet hedhja e gurëve për herë të tretë, e cila shënon edhe mbylljen e kësaj pjesë të ritualit të Haxhit.
Burrat në veshje të bardha dhe gratë në veshjet që mbulojnë gjithë trupin, kryhen një ritual që përbëhet nga hedhja e shtatë gurëve në një shtyllë të madhe guri në ditën e parë, dhe 21 gurë në ditën e dytë dhe të tretën në të tre shtyllat.
Më poshtë mund të shihni disa foto mahnitëse të Qabesë, të kapura nga ajri. /tesheshi.com/
