Pamje shokuese: plazh me peshkaqenin “nëpër këmbë”

Plazhistët në Perdido Key, Florida, të dielën u larguan në panik bregdeti i Oqeanit Atlantik, pasi panë një peshkaqen të madh që përplaste në mënyrë agresive pendët e tij, pothuajse në cekëtinë.

“Peshkaqeni dukej se ishte jashtëzakonisht aktiv dhe i shqetësuar”, thanë plazhistët.

Peshkaqenë të mëdhenj të bardhë janë parë kohët e fundit pranë Gjirit Cape Cod në Massachusetts, dhe thuhet se ka pasur edhe përgjatë brigjeve të Chatham, Orleans dhe Nantucket.

Dhe është Cape Cod që njihet si një “vend grumbullimi” për peshkaqenë për shkak të rritjes së popullsisë së fokave që jetojnë atje.

“Ata fokusohen në Cape Cod sepse aty është ushqimi i tyre, por këta peshkaqenë mund të shfaqen kudo. Ata udhëtojnë përgjatë bregut,” tha John Chisholm, një studiues i oqeanit.

Biologët detarë theksojnë se është më mirë të shmangni notin në oqean para agimit dhe pas muzgut, pasi në këtë kohë peshkaqenët ushqehen më shpesh.

“Pse është kështu? Sepse atëherë ata kanë një lloj avantazhi ndaj gjahut të tyre,” shpjegoi biologu i oqeanit Bob Hueter. /tesheshi.com/