Të paktën shtatë persona janë plagosur dhe tre të tjerë janë në kërkim, zhdukja e të cilëve u raportua në një periferi të Denverit gjatë një zjarri që shkrumboi rreth 1000 shtëpi dhe dëmtoi 100 të tjera, thanë autoritetet e Kolorados.
Sherifi i qarkut Boulder, Joe Pelle tha të shtunën se hetuesit po përpiqeshin ende të përcaktojnë shkakun e zjarrit që shpërtheu të enjten pasdite në zonat midis Denverit dhe Boulder, raporton AP.
Zyrtarët e ndërmarrjes së shërbimeve nuk gjetën linja të rrëzuara të energjisë përreth vendit të zjarrit, tha Pelle.
Banorët raportohet se kanë filluar dalëngadalë të kthehen në shtëpitë e tyre për të parë shkallën e dëmeve të shkaktuara nga zjarri.
Të paktën 991 shtëpi u shkrumbuan dhe Sherif Pelle paralajmëroi se ky nuk është bilanci përfundimtar i dëmit.
Presidenti Biden miratoi një projektligj që parashikon ndihmë federale për të prekurit nga fatkeqësitë.
One of the more sobering videos taken by BPD Patrol off S. Marshall Rd. in Superior on Thursday afternoon during the height of the fire. First responders from all over the Denver Metro area rushed to help with evacs and traffic control. @broomfield #MarshallFire pic.twitter.com/8EYQc4OrG1
— Broomfield Police (@BroomfieldPD) December 31, 2021
Guvernatori i Kolorados, Jared Polis, ka shpallur gjendjen e jashtëzakonshme, duke liruar fonde emergjente për fatkeqësitë dhe burime të tjera për të ndihmuar shtetin. /tesheshi.com/
