Për Erdoganin dihet që ka qenë futbollist në të ritë e tij, por në moshë të tretë ai shfaq dhe talentin si basketbollist, një sport që dikur luhej nga miku i tij shqiptar Edi Rama.
Ngjashëm me këtë të fundit, që heraherës shfaqet duke bërë ndonjë kosh, si dikur me Dinamon, presidenti turk është shfaqur duke luajtur basketboll me deputetët dhe kolegët e tjerë.
Mustafa Varank, një ligjvënës i AKP-së, ndau me ndjekësit e tij në rrjetet sociale videon e Erdoganit duke luajtur basketboll në ditën e tretë të festës së madhe muslimane të Kurban Bajramit.
“Është e vërtetë që ndonjëherë largohem nga loja dhe bëj video”, ka shkruar ai në llogarinë e tij në rrjetet sociale. /tesheshi.com/
