Nuk do të ketë rifillim të bisedimeve të paqes të pakushtëzuara me Izraelin. Kjo është ajo në të cilën këmbëngulin palestinezët pas një ftese të kryeministrit izraelit për t’u takuar me Mahmoud Abbas-in, udhëheqësin e Autoritetit Palestinez.
“Netanyahu duhet të shpallë së pari dhënien fund ngulimeve, lirimin e të burgosurve të arrestuar para nënshkrimit të marrëveshjes së paqes së Oslos më 1993, e t’i njohë të gjitha traktatet e paqes të nënshkruara midis dy palëve,” ka deklaruar Saeb Erekat, kryenegociatori palestinez, e njëkohësisht sekretari i përgjithshëm i Organizatës për Çlirimin e Palestinës.
Ai theksoi se nuk do të ketë rifillim të negociatave nëse Netanyahu nuk i përmbush këto kërkesa.
Erekat njoftoi se palestinezët e hedhin poshtë nocionin e rifillimit të bisedimeve të paqes pa kushte me Izraelin.
Shteti izraelit, sipas Erekat-it, po bën një luftë të gjithmbarshme kundër palestinezëve, duke u shkatërruar shtëpitë, duke u konfiskuar tokat, duke i mbajtur trupat e palestinezëve, e duke hyrë me forcë në vendet e shenjta të tyre. /tesheshi.com/
