Ardian Dvorani, “hasmi” i Ilir Metës i shkarkuar së fundi si kreu u KED (Këshilli i Emërimeve në Drejtësi) me një vendim të diskutueshëm nga pikëpamja ligjore, ka folur për herë të parë mbi procesin e vendimmarrjes ndaj videos së bujshme Meta-Prifti. Siç dihet, ai ka qenë kontestues i pafajësisë në verdiktin e fundit dhënë nga Gjykata e Lartë, anëtar i së cilës ka qenë në atë proces, për çka dhe është shpjeguar dhe armiqësia e Metës ndaj tij.
Dvorani, në një intervistë për “Java në TVSH”, ka folur por jo shumë gjatë mbi atë vendimmarrje, ndër më problematiket në drejtësinë shqiptare, sa i përket atyre mbi personazhe politike. Dhe ajo që u veçua prej tij ishin dy fjali:
“E dini ju që Gjykata e Lartë në atë kohë nuk e pa dhe nuk e dëgjoi atë që panë gtë gjithë? Në sallë nuk u pa dhe nuk u dëgjua”, ishin fjalët e Dvoranit.
Në fakt, video Meta-Prifti ishte aso që nuk linte shumë vend për diskutime. /tesheshi.com/
https://youtu.be/oAdCPiaU3X0
