Presidenti Meta përcolli një mesazh të qartë yshtës ndaj protestave të shpërthyera së fundi, shoqëruar me dhunë ndaj institucioneve dhe pronës publike, duke tentuar të bëjë një paralele, siç dhe Basha, mes lëvizjes studentore 30 vjet më parë e kësaj të sotmes sot, udhëhequr nga Stresi.
Në fillim, Meta kujdeset të theksojë se dhe ai ka qenë një student dhjetori.
“Doja të kthehesha 30 vjet prapa kur isha student dhe pjesë e lëvizjes studentore që solli pluralizmin politik në Shqipëri. Një moment që duhet ta kujtojmë e të reflektojmë të gjithë”, shkruan kreu i shtetit, i pozicionuar qartazi si një udhëheqës opozitar në hije.
Më pas, ai hedh tezën se fëmijët nuk duhet të pyesin prindërit për atë që bëjnë; pra, se ajo çfarë ndodhi në Dhjetorin ’90 duhet të ndodhë dhe sot.
“Unë e kujtoj se kam dhe një konkluzion sot pas 30 vitesh që në rast se në të rinjtë e saj kohe do kishin pritur ndryshimin nga prindërit tanë s’do ndodhte kurrë, se prindërit tanë dhe për shkak të regjimit që ishte dhe shumë kufizimeve e frenimeve që ka një prind dhe kurrë s’ndërmerr hapa të tillë të guximshëm që mund të sjellin ndryshime të mëdha në shoqëri.
Ndryshimet i bëjnë të rinjtë në emër të ëndrrave të tyre reagimit ndaj padrejtësive, kjo ndodh kur marrin përgjegjësi dhe janë të bashkuar. Ky është mesazh që vlen në çdo kohë. E theksoj sot se mendoj që vendi ka nevojë për ndryshim të madh e të fortë”, shkrun njeriu që mban postin e kreut të shtetit.
Më pas, Meta ka dalë pikërisht aty ku i dhëmb e ku ia kanë evidentuar dhe ndërkombëtarët, duke e quajtur “armik të reformës”.
“Historia e reformës nisi që në 2015-ën. U miratua në 2016. Tani jemi në prag të 20121 dhe ja ku jemi. Nuk ka qenë faji i reformën, por ka qenë situatë kritike i sundimit të të drejtës. Reforma që u miratua, me 140 vota nga 141 deputetë, mendoj se kishte mundësi që të sillte një drejtësi të pavarur, te re.
Kjo reformë për fat të keq u keqpërdor totalisht nga ana e qeverisë aktuale. Kjo ndodhi me disa momente kyçe, siç është zgjedhja e prokurorit tëPërgjithshëm të Përkohshëm, për t’u shmangur zgjedhja sipas standardit dhe për të nisur uzurpinim e këtij institucioni.
Ndaj kjo është arsyeja se pse shumë çështje nuk hetohen sot dhe PPP-të kanë dalë jashtë kontrollit. Zgjedhjet do te jene burimi i se drejtës. Askush se mendoi se kjo do të ishte një reformë që do të ndryshonte Shqipërinë, ishte kapje e organizuar e shtetit dhe e drejtësisë, një humbje e madhe kohe për vendin. 3 vite pa gjykatë Kushtetuese”, janë fjalët e Metës. /tesheshi.com/
