Presidenti Donald Trump ka qenë prej kohësh i shfrenuar në lavdatat e tij ndaj presidentin rus, Vladimir Putin, pavarësisht kritikave nga ana e republikanëve dhe demokratëve për të.
Në një intervistë në Fox News përballë Bill O’Reilly-it, e cila do të transmetohet të dielën, Trump ka dyfishuar “respektin” e tij për Putinin, edhe përkundër akuzave që kreu i Kremlinit dhe bashkëpunëtorët e tij kanë vrarë gazetarë dhe disidentë në Rusi.
“Unë e respektoj atë. E pra, unë i respektoj shumë njerëz, por kjo nuk do të thotë se do të shkojmë mirë me ta”, ka thënë Trump.
O’Reilly shton presionin gjatë intervistës, duke deklaruar para Trmp-it se “Putin është një vrasës”.
I vetëpërmbajtur, Trump nuk u tërhoq, por shkoi edhe më tutje duke krahasuar reputacionin e Putinit për vrasjet jashtëgjyqësore me Shtetet e Bashkuara.
“Edhe ne kemi shumë vrasës”, ka thënë Trump. “E pra, ju mendoni se vendi ynë është aq i pafajshëm?”
Trump shtoi se ai mendon që Shtetet e Bashkuara është më mirë të shkojnë mirë me Rusinë sesa të veprojnë të kundërtën. /tesheshi.com/
https://youtu.be/QjjwD2csC5E
