Një vizitë e kryeministrit hungarez Viktor Orban mnë Itali dhe takimi i tij vëllazëror me Salvinin, ka bërë që shefi i qeverisë së Budapestit ta thellojë akoma dhe më shumë çarjen europiane për shkak të krizës së emigrantëve. Siç dihet, Orban e Salvini, janë shndërruar tashmë në flamurtarë të anti-emigracionit, me masat e tyre drastike duke mbyllur, njëri kufjtë tokësore e tjetri ato detarë.
Në një deklaratë të tij me nota euforike, Orban i “vuri thikën” Unionit, kur tha se “ka dy kampe në Evropë: një i udhëhequr nga Macron, i cili është në ballë të forcave politike që mbështesin emigracionin dhe nga ana tjetër ne jemi që dëshirojmë të ndalojmë emigracionin e paligjshëm”.
I pyetur në lidhje me një largim të mundshëm të FIDESZ-it të të tij nga Partitë Popullore Evropiane, Orban tha se donte që PPE “të qëndronte në anën hungareze dhe të popujve të Evropës”
Gjatë vizitës në Itali, Orban u bë lajm me deklarimin e tij kushtuar Salvinit, se “ai është heroi im”. /tesheshi.com/
