Deputetë të opozitës protestuan para Parlamentit Europian në Strasburg, duke pretenduar se pushteti në Shqipëri po jua arreston krerët.
Me parrulla në duar, ata tentuan që të përcjellin te institucioni ligjvënës europian faktin se po persekutohen politikisht.
Por ndryshe nga rrethanat shqiptare, aty janë treguar tejet etikë, pa shkaktuar ndonjë incident, një pamje që nuk shihet pra në parlamentin ku ata janë pjesë e tij.
Pra, në Strasburg, opozita e prezanton veten me tjetër format sjelljeje, të tillë që publiku shqiptar nuk e sheh zakonisht te ajo qyshse mban titullin opozitë.
Në një deklaratë nga PD, lidhur me këtë protestë, përvijohet kërkesa e tyre me të cilën i drejtohen kësaj instance të Brukselit.
“Deputetët demokratë e konsiderojnë arrestimin e Sali Berishës si një hakmarrje politike nga Kryeministri Edi Rama ndaj Partisë Demokratike.
Duke përdorur një formë origjinale dhe të veçantë për të tërhequr vëmendjen e eurodeputetëve, ata theksojnë situatën e rëndë ku ndodhet vendi.
Shqipëria, e cila është vend kandidat për anëtarësim në Bashkimin Evropian, përballë akuzave ndaj Kryeministrit Rama se ka shkatërruar shtetin ligjor, ka asgjesuar balancën mes pushteteve dhe ka eliminuar zgjedhjet e lira. Sipas deputetëve të PD, Shqipëria është vendi i vetëm në Europë që qeveriset me prova të pakontestueshme të lidhjeve me krimin e organizuar, deri në pikën që organizatat kriminale diktojnë edhe kandidatët për deputet në listën e Partisë Socialiste”, theksohet mes të tjerash në njoftimin e PD.
Megjithatë, nuk ka shenjë se kjo protestë mund të ndryshojë diç nga ajo që pretendon ose kërkon opozita. Kjo për faktin se BE e konsideron drejtësinë e re shqioptare, te e cila ka ivestuar, si të pavarur. /tesheshi.com/
