Detajet të reja janë zbuluar nga aksioni i mbrëmjes së djeshme të Policisë së Shtetit në zonën e Don Boskos në Tiranë, ku uniformat blu përdorën edhe armët e zjarrit për të arrestuar një shtetas 27 vjeç të dyshuar si shpërdarës kokaine.
Operacioni policor i ndërmarrë nga njësitë speciale të Drejtorisë së Policisë së Shtetit u kodua me emrin “Përpjekje e dështuar”, ndërsa në pranga përfunduan tre persona, ndërsa një i katërt është shpallur në kërkim. Në këtë aksion u sekuestruan 435.2 gramë kokainë, valutë në euro dhe lnjë sasi lekësh.
Burimet policore bënë të ditur se nga informacionet e siguruara në rrugë operative shtetasit Blendi Peca, Arbër Murati dhe Ardit Murati, qarkullonin në qytet të armatosur dhe ushtronin aktivitetin e shitjes në sasi të konsiderueshme të kokainës në zonën e “Don Boskos”. K
Sipas burimeve, Blendi Peca është konstatuar nga shërbimet e policisë duke lëvizur i vetëm me “Citroen”, në zonën e Don Boskos”.
Shërbimet e policisë janë vënë në ndjekje të tij për të bërë ndalimin e automjetit, por drejtuesi i mjetit nuk i është bindur shenjave të ndalimit nga policia.
Sikundër raportohet, 27 vjeçari Peca ka kryer manovra lëvizjeje të rrezikshme për jetën e punonjësve të policisë. Në këto kushte punonjësit e policisë kanë nxjerrë armën e brezit dhe kanë qëlluar në ajër duke dhënë përsëri urdhër ndalimi, por 27-vjeçari nuk është bindur, ka vijuar tentativën për tu larguar.
Punonjësit e policisë kanë shënjestruar dhe qëlluar gomat e mjetit dhe kur janë afruar kanë vënë re se është plagosur lehtë, drejtuesi i automjet Blenci Peca, 27 vjeç, i cili u dërgua në spital dhe është jashtë rrezikut për jetën.
Gjatë kontrollit fizik të ushtruar në automjet, është 385 gramë kokainë. Duke qenë në kushtet e flagrancës është ushtruar kontroll në banesën e Arbër Muratit, ku në dhomën e gjumit është gjetur 50.2 gramë kokainë, 10 doza pluhuri kokainë, ngjyrë e bardhë, një dorezë metalike, një sasi vlere monetare në valutë prej 1210 euro dhe 18 000 lekë të reja, të cilat u sekuestruan.
Për pasojë u arrestuan në kushtet e flagrancës Blendi Peca, 27 vjeç, banues në Tiranë Ardit Murati, 24 vjeç, dhe Shehat Murati, 50 vjeç, banues në Tiranë ( at dhe bir). Ndërkohë që është shpallur në kërkim Arbër Murati 22 vjeç.
Policia bëri të ditur se nga operacioni u sekuestruan në cilësinë e provës materiale 435.2 gramë kokainë, 1210 euro dhe 18 000 lekë të reja, automjeti tip ” Citroen”, peshore elektronike dhe një dorezë metalike.
Polica e Tiranës thotë se veprimet procedurale u monitoruan nga SHÇBA dhe Prokurori i gatshëm. /tesheshi.com/
