Nga të katër çiftet e playoff-it në Euroleague, vetëm njëri prej tyre ka kërkuar zhvillimin e plotë të serisë së ndeshjeve.
CSKA-së së Moskës, Fenerbahçes dhe Realit të Madridit u është bashkuar tani dhe skuadra greke e Olimpiakosit në Final Four.
Olimpiakosi mposhti mbrëmë 87-78 Anadollu Efesin; i fundit takim i pesë përballjeve mes tyre.
Grekët e siguruan kualifikimin me serinë e playoff-it të fituar 3-2, në një betejë të ashpër me turqit e Anadollu Efesit.
Ndeshja në Athinë u karakterizua nga ekuilibri në një pjesë të mirë të saj. Turqit e mbyllën në epërsi pjesën e parë, pa mundur që ta ruanin atë kur loja shkoi drejt fundit.
Katër ekipet e kualifikuara do të ndeshen në Final Four në datat 19-21 maj. Stambolli është qyteti mikpritës i këtyre finaleve. Ndeshjet do të luhen në pallatin e sportit “Sinan Erdem”.
Në gjysmëfinale, më 19 maj, do të vihen përballë CSKA e Moskës – Olimpiakos dhe Fenerbahçe – Real i Madridit. /tesheshi.com/
