Zyra për të Drejtat e Njeriut në OKB ka publikuar raportin e fundit mbi situatën në Krime, të aneksuar nga Rusia, ku vë në dukje ‘shkeljet e rënda të të drejtave të njeriut’.
“Paraburgimi arbitrar, keqtrajtimi, tortura dhe rrëmbimi, këto janë vetëm disa nga akuzat kundër forcave ruse që kanë aneksuar në mënyrë të paligjshme Krimenë”, thuhet në raport.
Në vijim theksohet se “janë dokumentuar shkelje dhe abuzime serioze të të drejtave të njeriut, të kryera nga një formacion paraushtarak, i quajtur vetë-mbrojtja e Krimesë, si dhe nga anëtarët e policisë dhe Shërbimi Federal i Sigurisë së Federatës Ruse”.
“Shumica e këtyre shkeljeve, që përfshijnë arrestime arbitrare dhe ndalim, torturë dhe keqtrajtim, dhe zhdukje me forcë, nuk janë hetuar në mënyrë efektive nga autoritetet “, tha Fiona Frazer.
Federata Ruse i njohu automatikisht të gjithë qytetarët e Ukrainës si rusë pas aneksimit.
Por, më shumë se njëqind mijë njerëz që refuzuan këtë shtetësi të imponuar, u privuan nga të drejtat themelore civile, të tilla si qasja në kujdesin shëndetësor bazë.
Rusia pushtoi gadishullin e Krimesë në vitin 2014, duke përfituar nga trazirat në Kiev. /tesheshi.com/
