Hans Kluge, Drejtori Rajonal i OBSH-së për Evropën, konfirmoi se numri i vdekjeve nga infeksioni i koronavirusit në Evropë kaloi një milion javën e kaluar.
“Situata në rajonin tonë është serioze. Rreth 1.6 milion raste të reja regjistrohen çdo javë. Pra, 9,500 në orë, dhe 160 në minutë”, shpjegoi Kluge.
Kluge mbajti një konferencë në të cilën mori pjesë edhe ministri grek i Shëndetësisë, Vassilis Kikilias.
Duke deklaruar se shtatë vaksina kundër COVID-19 nga 171 milion doza janë në përdorim në Evropë, Kluge tha se afërsisht 13 përqind e popullsisë evropiane morën dozën e parë të vaksinës dhe 6 përqind të dytën.
Kluge tha se numri i vdekjeve në mesin e njerëzve më të vjetër se 80 vjeç është në rënie që nga shkurti.
Sipas tij, përqindja e shtrimeve në spital është akoma në një nivel të lartë.
Kluge shpjegoi se spitalet dhe njësitë e kujdesit intensiv në Francë kanë një numër më të lartë të shtrimeve në spital dhe pacientëve në njësitë e kujdesit intensiv sesa ishte rasti në të njëjtën periudhë të vitit të kaluar.
“Fushatat e imunizimit masiv në kampet e refugjatëve në Greqi janë planifikuar për muajin tjetër,” tha Kluge. /tesheshi.com/
