Presidenti amerikan ka shfaqur skepticizëm për ndërprerjen e luftimeve në Siri që pritet të hyjë në fuqi pas pak orësh.
Pas një takimi me këshilltarët e sigurisë kombëtare në Departamentin e Shtetit, ai ka deklaruar i menduar: “Jemi të vetëdijshëm për shumë vështirësi, të papritura, por historia do të na gjykojë ashpër nëse nuk bëjmë pjesën tonë së paku në përpjekje për t’i dhënë fund me diplomaci këtij konflikti të tmerrshëm.”
“Eshtë e qartë se pas vitesh lufte barbare kundër popullit të tij, duke përfshirë torturat, bombat fuçi, rrethimet dhe urinë, shumë sirianë nuk do pushojnë kurrë së luftuari derisa Esadi të mos jetë në pushtet,” tha ai.
Fjalët e Obamës vijnë pak para nisjes së një ndërprerje të luftimeve në Siri, ndërsa tashmë janë orët e fundit që palët në konflikt kanë mundësi të pohojnë nëse do t’i përmbahen marrëveshjes.
Marrëveshja për ta ndalur dhunën do të jetë, sipas Obamës, një provë për të parë nëse palët janë të angazhuara ndaj negociatave për një tranzicion politik që mund t’i jepte fund luftës pesëvjeçare. /tesheshi.com/
