Posta norvegjeze “Norge Posten”, së shpejti do të përdorë postierë robotikë, ose një shërbim të robotizuar të shpërndarjes, në mënyrë që t’u ofrojë klientëve një shërbim më të mirë në dërgesa.
Ajo ka nënshkruar një kontratë me kompaninë fillestare Buddy Mobility, e cila ka selinë e saj në Oslo dhe San Francisko.
Ata planifikojnë të fusin automjete robotike në fazën e parë në rrugë vetëm në qytetin Kongsberg, dhe më vonë në qytete të tjera norvegjeze,.
Një postier robot do të funksionojë duke shkuar përpara shtëpisë së përdoruesit dhe duke i informuar ata për ardhjen e dërgesës.
Mesazhi do të merret nga qytetarët e Kongsberg nëpërmjet aplikimit në një smartphone.
Mesazhi gjithashtu do të tregojë kodin për zhbllokimin e kutisë në mjetin robotik.
Ai do të lëvizë me një shpejtësi prej gjashtë kilometrash në orë dhe me atë ritëm do të jetë në gjendje të dërgojë dërgesa në njëqind adresa në ditë.
Pas dorëzimit të të gjitha paketave, automjeti do të kthehet në postë, rë karikojë bateritë dhe do të presë për materialet e reja për shpërndarje.
Një zyrtar tha se zyra e postës norvegjeze tani ka 20,000 më pak punonjës sesa kishte në mesin e viteve 1990.
“Kjo është rreth një mijë punonjës më pak në vit. Të gjithë kanë gjetur vende të tjera punë ose kanë dalë në pension”, tha ai zëdhënësi i postës Mail John Ekof, duke shtuar se fusha e dërgesave postare që nga viti 1999, e cila ishte një nga më të ngarkuarit në këtë sektor, ra me rreth 60 përqind.
Ai shton se kjo është arsyeja pse Posta norvegjeze duhet të përtërijë shërbimet e saj dhe të gjejë zgjidhje më kosto-efektive që u përshtaten klientëve të tyre.
Ecof thotë se robotët nuk janë një arsye kryesore pse Posta norvegjeze ka reduktuar numrin e të punësuarve. /tesheshi.com/
Ja një test i postës robotike:
