Çmimi Nobel në fizikë është fituar nga Takaaki Kajita dhe Arthur McDonald, për zbulimin sesi neutrinot kalojnë nga njëri lloj në tjetrin. Neutrinot janë pjesëza subatomike që nuk kanë pothuajse fare masë dhe që rrallë ndërveprojë me pjesë të tjera, duke u bërë kështu shumë të vështira si objekt studimi.
Kajita dhe McDonald bënë matje të rëndësishme të vetive të këtyre pjesëve duke përdorur instrumenta gjigandë në punën e tyre në Japoni dhe në Kanada.
Goran Hansson, sekretar i Përgjithshëm i Akademisë Mbretërore suedeze të Shkencave deklaroi ndërsa ndante çmimin, se këtë vit bëhet fjalë për “ndryshimet identitare mes disa nga banorëve më të bollshëm të universit”.
Profesori McDonald tha nga Kanadaja ku ai jep mësim në universitetin në Kingston, se e ndan vlerësimin me shumë kolegë për shkak të volumit të madh të punës që është kryer për të arritur në rezultate.
Në total, numri i laureatëve të çmimeve Nobel në fizikë ka shkuar në 2001 të tillë, prej të cilëve janë vlerësuar vetëm dy gra. /tesheshi.com/
