Shpesh herë disa pjesë të trupit shfaqin dobësi të ndryshme, këtu nuk bëhet fjalë vetëm për shenja të imta e të parëndësishme, por për zona të tëra të lëkurës me njolla. Nëse gjatë verës mbi lëkurën tuaj mund të shfaqen njolla nga dielli, disa pjesë të trupit nxihen edhe më shumë për shkakun e qelizave të vdekura por edhe prej papastërtive.
Zonat më të ndjeshme janë bërrylat dhe gjunjët. Por si mund të zhduken këto njolla nga trupi? Këto pjesë të trupit, jo vetëm që nxihen fare thjeshtë, por çojnë deri në dëmtimin serioz të lëkurës. Ajo është shumë e ndjeshme dhe në pjesët më të madhe të trupit, lëkura dëmtohet mjaft thjeshtë.
Po si mund të kujdesemi atëherë për shenjat e bërrylave dhe të gjunjëve për të pasur një lëkurë perfekte? Me produktet natyrale mund t’ia dilni të keni një lëkurë të pastër dhe të butë.
Soda e bukës është një produkt i shkëlqyer për një bukuri natyrale dhe për të luftuar këto njolla, mund të krijoni një përzierje me sodë buke dhe ujë, duke i fërkuar më pas mbi këto njolla që gjenden në gjunjë dhe bërryla, lëreni të veprojë për 5 minuta, më pas fërkojeni përsëri dhe në fund shpëlajeni me ujë të ftohtë.
Mes produkteve natyrale që veprojnë si zbardhues, më i njohuri është padyshim limoni. Çajeni në mes dhe me gjysmën e tij fërkoni zonat me njollë, duke e përsëritur këtë veprim çdo ditë derisa lëkura të duket e ndritshme dhe pa asnjë shenjë.
Për të pasur një lëkurë të butë, të pastër dhe për të zhdukur qelizat e vdekura duhet ta masazhoni lëkurën pikërisht në ato zona ku janë shfaqur këto njolla, me një pastrues të krijuar nga mielli i tërshërës, i përzierë me qumësht bajameje me përmbajtës qetësues. Duke e përhapur në mënyrë rrethore, fërkojeni fort lëkurën me këtë përzierës. Më pas lëkura juaj do të duket si e re.
Me këtë trajtim dhe hidratim të lëkurës, lëkura juaj të jetë më e butë dhe kështu evitohet ngurtësimi dhe trashja e lëkurës. Mundet edhe të përdorni vazelinë, madje edhe ta masazhoni me vaj ulliri, gjë e cila do ta bëjë lëkurën tuaj më të butë dhe me shkëlqim./tesheshi.com/
