E mbani mend Zyrën e UNMIK që ndihmonte Prokurorinë Speciale të Hagës për të gjykuar krimet e luftës në Kosovë?!
E cila nuk hetoi asnjë krim të pushtetit serb ndaj shqiptarëve dhe nuk u mor fare me të zhdukurit pa nam e nishan, por as me përdhunimet masive. Siç njofton një bashkëpunëtor i tesheshi.com në Holandë, këto ditë ka pasur një dyndje masive të ish-punojnësve të zyrës së UNMIK-ut në selinë e Ministrisë së Jashtme të Holandës.
Përkthyes, bashkëpunëtorë, si dhe mbledhës faktesh në terren janë thirrur si “me magji” për të bashkëpunuar në zyrën e re e Kryprokurorit të Gjykatës Speciale.
Në fakt, një numër i madh i punonjësve të asaj zyre që punonte në të gjithë Kosovën zotërojnë poste shumë të larta në Tiranë, por edhe në organizata të ndryshme ndërkombëtare. Shumica e punonjësve të zyrës së Hagës në Kosovë në vitin 2001 ishin të sapodiplomuar për juridik por edhe për filologji në Tiranë, të cilët u paguan me rroga mjaft të larta për kohën: në fillim 5 mijë marka e më pas 3500 euro. Kjo zyrë mblodhi të ashtuquajturat fakte e dëshmi kundër komandantëve të UÇK-së, të cilat u bënë pjesë e akuzave zyrtare në Hagë. Dy proceset më të bujshme: Ai kundër Fatmir Limajt dhe ai kundër Ramush Haradinajt dolën fiasko, pasi të dy u shpallën të pafajshëm, madje Haradinaj u gjykua dy herë.
Ndërkaq, po nga dosjet e asaj zyrte gjykohet grupi “Drenica” dhe ai i Llapit. Miratimi nga Kuvendi i Kosovës i të gjitha ligjeve të duhura për Gjykatën Speciale, hap procedurat teknike për ngritjen e Speciales.
Hashim Thaçi pritet të udhëtojë këto ditë në Holandë për të diskutuar mbi përbërjen dhe strukturën e zyrës së prokurorisë dhe gjykatës së Speciales.
Prishtina dhe Haga duhet të të arrijnë një marrëveshje për ngritjen e Gjykatës më të re sipas detyrimeve që ua jep ligji. Marrëveshja që do të firmoset nga të dy qeveritë do të sillet sërish në Parlamentin e Kosovës për tu ratifikuar. Më pas në shtator, do të bëhet nisja e akt-akuzave të para mbi të ashtuquajturat fakte të raportit të Dick Marty-t.
Ambasadori i Holandës në Kosovë, Robert Bosch, ka konfirmuar se fillimisht shteti që ai përfaqëson duhet negociojë me Shërbimin e Jashtëm të Bashkimit Evropian- (EEAS) dhe më pas me Qeverinë e Kosovës.
Sipas ligjeve mbi Specialen, Kosova do të paguajë burgun dhe mbrojtjen e të akuzuarve ndërkohë që BE do të mbulojë shpenzimet gjyqësore të gjykatës, kryesisht pagat e gjyqtarëve dhe punonjësve të tjerë. Nëse të akuzuarit shpallen të pafajshëm, kompensimin do ta paguajë jo BE-ja por qeveria e Kosovës. /tesheshi.com/
