FIFA ka njoftuar në rrjetet e saj sociale për futjen e mundshme të kartonit blu në futboll.
“FIFA dëshiron të sqarojë çështjen e të ashtuquajturit karton blu. Nuk është e vërtetë që ne planifikojmë ta prezantojmë atë në nivelin elitar të futbollit dhe të gjitha raportet për këtë janë të parakohshme. Çdo testim, nëse futet, do të kufizohet në testimi në nivele më të ulëta. Këtë temë do ta rihapim më 2 mars”.
Ky reagim vjen pasi në disa media u shkrua se së shpejti në futboll mund të futet edhe kartoni blu.
Ky karton do të tregohet nga gjyqtari nëse mendon se lojtari ka bërë një faull që duhet të largohet nga loja, por jo deri në fund të lojës. Me karton blu, lojtari do të hiqej nga loja për dhjetë minuta. Pra, një lloj kartoni i kuq me gjysmëdënim.
IFAB, organi kryesor i bërjes dhe njohjes së rregullave të futbollit, ka punuar për këtë projekt prej disa kohësh.
Është hera e parë që dikush merr informacion se një karton blu është afër realizimit në futbollin profesionist.
Ky rregull nuk do të zbatohet menjëherë në ligat më të forta në botë, por do të niset nga gradat më të ulëta, duke shërbyer dhe si trajnim për gjyqtarët. /tesheshi.com/
