Me siguri nuk keni dëgjuar për këta tre djem të cilët deshën të përdornin armë të shkatërrimit në masë kundër infrastrukturës dhe personelit qeveritar në Shtetet e Bashkuara të Amerikës.
Tre persona, të cilët janë shpalluar fajtorë për përpjekjet e tyre për të përdorur armë të shkatërrimit në masë në sulme kundër agjencive të qeverisë federale, do t’i kalojnë vitet e ardhshme në burgun federal.
Brian Cannon, Terry Peace dhe Cory Williamson janë dënuar javën e kaluar për shkak se kishin “planifikuar të sulmonin struktura të rëndësishme qeveritare si dhe kanë nxitur grupe të armatosura në shtete të tjera të Amerikës që të ngrihen dhe të bashkohen me ta në mënyrë që t’i përzënë zyrtarët e qeverisë, të ciët sipas tyre e kanë shtrirë tepër pushtetin e tyre,” njoftoi zyra e prokurorit të rajonit verior të Georgias në SHBA.
Cannon 37, Williamson 29 dhe Peace 47 vjeç u dënuan me 12 vjet burg. Kjo do të pasohet me pesë vjet liri të mbikqyrur dhe 100 orë në shërbim të komunitetit.
“Në këtë rast, ideologjia dhe retorika antiqeveritare është shndërruar në ekstremizëm të rrezikshëm dhe ka bërë që të pandehuri të armatosen dhe të udhëtojnë në një pikëtakimi të përbashkët për t’u furnizuar me bomba dhe ekspozivë të tjerë të destinuara për të kryer sulme, “ tha prokurori John Horn, që shtoi më pas: “Sulmet e planifikuar nga të pandehurit përbënin një rrezik të madh jo vetëm për sigurinë publike, por edhe për anëtarët e tjerë të komunitetit.”
Autoritetet thanë se mes datës 23 janar dhe 15 shkurt 2014, Cannon, Williamson dhe Peace morën pjesë në diskutime online për të gjetur mënyrën si të kryejnë operacione kundër qeverisë gjatë muajit shkurt. /tesheshi.com/
Burimi: patch.com
