Vetëm dy të shtëna pistolete nga policia gjatë gjithë vitit 2014 dhe asnjë prej tyre nuk ka plagosur ndonjë person.
Në Norvegji, qeveria ka publikuar së fundmi statistikat lidhur me përdorimin e armëve të zjarrit nga ana e policisë.
Relacioni i publikuar nga Washington Post, tregon se vitin e kaluar policia norvegjeze ka kërcënuar me armë në 42 rrethana, numri më i ulët në 12 vite. Që nga vitit 1992 e deri më sot, asnjë person nuk është vrarë nga agjentët skandinavë.
Këto të dhëna për shumëkënd mund të duken të pabesueshme. Megjithatë vlen të thuhet se Norvegjia është një prej të paktave vende në Europë, ku policët nuk mund të mbajnë me vete pistoletën, e cila merret vetëm me autorizim të eprorit.
Vlefshmëria e këtij urdhri u vu në dyshim pas tragjedisë në ishullin e Utoya, ku në verën e vitit 2011 u vranë 77 persona nga një terrorist ekstrem me emrin Aders Breivik.
Së fundmi policia po merr në konsideratë mundësinë për të pasur më shumë agjentë të armatosur. /tesheshi.com/
