Dean Karnazes, një 53 vjeçar nga Amerika ka rezultuar me një defekt gjenetik, i cili i ka dhënë atij superfuqi. Karnazes, në fakt është viktimë e një anomalie, e cila shkakton acid laktik dhe që nxirret shpejt nga sistemi, duke i lejuar atij që të vrapojë pa limit dhe të mos ndjejë asnjë lodhje të muskujve.
Që në moshë të re burri tregonte rezistencë të lartë: gjatë një gare vrapimi ai bënte 105 xhiro, ndërsa shokët e tij bënin vetëm 15 të tilla. Më pas pushoi së vrapuari për një farë kohe, por kur shkoi 30 vjeç nisi sërish dhe kishte për herë e më shumë fuqi.
Në stërvitjen e tij të parë ai bëri pothuajse 50 km rrugë, pa ndjerë dhimbje tek muskujt. Ai ka marrë pjesë në shumë maratona. Madje në 80 orë e 44 minuta, ai ka përshkuar 563 km, pa fjetur dhe ndalur për asnjë moment.
“Të jem i sinqertë, ajo që në fund ndodh është se unë ndjehem i përgjumur. Kam vrapuar për netë të tëra pa gjumë dhe në ditën e tretë fillova të ndjeja në sy pak dremitje”, shprehet Karnazes. Mjekët janë bërë kuriozë dhe nisën që të studiojnë trupin e tij për të zbuluar sekretin. /tesheshi.com/
