Lefter Maliqi, njeriu i “tre partive”, pritet të jetë një prej atyre emrave në listën e PD-së që do të marrë mandatin e deputetit, duke shpërfillur kështu vendimin politik të opozitës për braktisjen e mandateve.
Maliqi, një emër i njohur politik i Qarkut të Beratit, ka bërë hapin e parë duke dorëzuar formularin e dekriminalizimit në KQZ.
Është ky një akt i pritshëm prej tij, gjykuar nga sjellja politike e deritanishme. Figurë e PS-së në zonën e Beratit, kaloi më pas në LSI e më pas në PD, gjithnjë me synimin e të qënit deputet.
Tashmë është momenti i tij.
Para tij janë tre emra nga lista e LSI-së, të cilat kanë vendosur të marrin mandatin e deputetit.
Ndërsa në PD është Myslim Murrizi ai që vendosi të mose dorëzojë, ndërkohë që dhe deputetja Rudina Hajdari duket se po kësaj rruge. Deri më tani nuk i është bindur vendimit të partisë, duke shfaqur tipare të rebelizmit të të atit. /tesheshi.com/
