Nuk duhet shumë mend për të kuptuar se pse Maqedonia qëndron në vendin e parë për nga ndotja e ajrit në Evropë, dhe në mesin e 3 vendeve të para në Botë.
Përvec numrit të madh të fabrikave prodhuese që ndodhen afër qendrave urbane, në Maqedoni ajrin e ndotin edhe automjetet e vjetra në maksimum.
Të dhënat më të fundit të Entit Shtetëror për Statistika tregojnë se nga gjithsej 371.000 makina të regjistruara në Maqedoni, 249.000 janë të prodhuara deri në vitin 2001, ndërsa vetëm 2.000 janë nga viti 2014-të.
Ndërsa nga gjithsej prej 3.164 autobusëve sa ka në Maqedoni, 2.041 janë nga viti 2001, ndërsa vetëm 23 autobusë janë nga viti 2014.
Jo rastësisht, qendra e pavarur kërkimore “Numbeo” e ka rradhitur Maqedoninë në vendin e parë në Evropë në bazë të indeksit të ndotjes së ajrit për 6-mujorin e parë të këtij viti.
Pas Maqedonisë vijnë Monako dhe Shqipëria. Maqedonia edhe gjatë gjithë vitit 2014 bindshëm qëndronte në vendine e parë. m.kr- /tesheshi.com/
