Eva Buzo, një avokate me origjinë shqiptare, ia arriti të përmbushte ëndrrën e saj për të kaluar Otranton me not. Pas dështimit një vit më parë, ku ai la sfidën në mes për të ardhur me not nga brigjet e Lecës në tokën shqiptare, kësaj here jo.
Ajo u nis nga Leçe në Itali, të shtunën e 17 gushtit dhe mbërriti sot në orën 5:00 të mëngjesit në “Shkëmbin e Evës” në Karaburun.
Buzo ka notuar për 35 orë e 17 minuta, gjithsej gjatë 91 kilometrave duke arritur që të kryejë me sukses këtë sfidë të vështirë, po aq sa edhe aventureske.
Por, çfarë deklaronte vitin e shkuar Eva, rrugëtimi i së cilës u ndal shumë pak larg Shqipërisë për shkak të komplikacioneve?
“Ndihem mirë nga ana shëndetësore dhe kjo eksperiencë më ka ndihmuar mua dhe ekipin tim të mësojmë gjëra të reja. Ne po planifikojmë ta përsërisim prapë këtë eksperiencë vitin tjetër. Ne zhvillojmë stërvitje çdo ditë për t’u përgatitur për garën, notojmë rreth 70 kilometra në javë, bëjmë palestër e trajnim.
Kjo ka të bëje edhe me rrymat ujore se si janë në momentin që e bën sfidën, ndaj duhen parë a duhet të nisemi nga Vlora për të Otranto apo e kundërta”.
Dhe një vit më pas, ajo arrin t’i sfidojë këto vështirësi dhe të prek ëndrrën e saj.
Kujtojmë se çdo deklaronte ajo një vit më parë dhe sa i përket gjakut shqiptar.
“Gjyshi im ishte nga Berati dhe emigroi drejt Australisë në 1939 dhe të dy prindërit e mi lindën atje. Unë kam qenë edhe herë të tjera në Shqipëri dhe doja edhe t’i tregoja atyre jashtë sa i bukur është bregdeti i Shqipërisë. Unë ndihem shumë krenare që kam prejardhje shqiptare”, tha Eva Buzo vitin e kaluar. /tesheshi.com/
