Një vendim historik është marrë nga ana e Gjykatës së Tolosës në Francë, e cila i ka lidhur një pension prej 800 eurosh një gruaje, e cila është alergjike nga wi-fi. Vendimi arriti pasi Marine Richard, prej vitesh e detyruar të jetojë disi e larguar nga shoqëria, në periferi të qytetit, në një mal të lartë, duke qenë se vuan nga alergjia e shkaktuar nga wi-fi.
Marine shfaqte shpesh shenja të përzierash (si të vjella), rritim, marrje mendsh etj. Për herë të parë kjo patologji, elektro-ndjeshmëria është njohur si ‘shkaktare e paaftësive të mëdha’.
Rasti, i cili është raportuar në shumë media, mund të shndërrohet në një precedent të rëndësishëm për personat të cilave u shkaktohen çrregullime të ndryshme si pasojë e ekspozimit nga rrezet wi-fi.
Gjykata i ka lidhur gruas nga Franca një pension invaliditeti në masën 85%, çka i përkon një pensioni mujor prej 800 eurosh. Gruaja është transferuar në një zonë shumë larg qendrave të banuara. Ajo jeton pa elektricitet dhe pi ujë të rrjedhshëm nga mali apo burimet aty pranë. Çështja e saj njihet ligjërisht si ‘fitore për mijëra persona dhe një vendim historik’.
Vendimi është marrë pavarësisht se komuniteti shkencor ndërkombëtar nuk ka mbërritur kurrë në një përfundim në lidhje me çështjen në fjalë. Ky komunitet konfirmon gjithsesi se simptomat e lidhura me elektre-sensibilitetin janë mbi të gjitha dermatologjike, nevrastenike dhe vegjetative./tesheshi.com/
