Nuk janë të paktë personat për të cilët selfiet janë shndërruar në mani të vërteta, e madje, për disa në veçanti janë shndërruar në një stil dhe mënyrë jetese. I tillë është edhe indiani Bhanu Prakash.
Djaloshi 24 vjeçar ka dhënë dorëheqjen nga puna në mënyrë që të kishte më shumë kohë për tu ushtruar sa i takon shkrepjes së fotografive, në tentativë e sipër për të thyer rekordin botëror të selfieve në një orë.
Rekordi i mëparshëm mbahej nga amerikani Patrick Peterson, lojtar futbolli, i cili arriti të fotografonte veten plotë 1449 herë. Bhanu arriti të thyejë këtë rekord duke realizuar plotë 1700 selfie në 60 minuta, ndërsa tani është duke punuar që të thyejë rekordin e tij dhe të arrijë në 1800 selfie.
Ideja e djalit ka ngjallur reagime të shumta. Ka nga ata që e cilësojnë si diçka tërësisht të kotë dhe humbje kohe, por ka edhe të tjerë që thonë se ky është një shembull i mirë për të gjithë të rinjtë që të ndjekin ëndrrat e tyre./tesheshi.com/
