Lojtari i Veronës, 38-vjeçari Luca Toni ka lajmëruar sot se për të ka trokitur momenti i tërheqjes. Ai do t’i japë fund karrierës futbollistike në sezonin më të keq të tij, siç e përshkroi vetë këtë të tanishmin. Klubi me të cilin ai aktivizohet ende do të luajë në Serinë B italiane, i renditur i fundit në klasifikim.
Luca Toni ka patur një karrierë të jashtëzakonshme, duke lënë gjurmë në tërë skuadrat me të cilat ka luajtur. Ai ka shënuar 156 gola në 343 ndeshje të Serisë A, duke luajtur për tetë ekipe.
Në sezonin 2005-2006 do të shpallej golashënuesi më i mirë i kampionatit italian, me 31 gola të shënuar për Fiorentinën, duke marrë dhe Këpucën e Artë Europiane.
Shenjë do të linte dhe në Bundesligën gjermane, ku do të ishte golashënuesi më i mirë në sezonin 2007-
2008, me 24 gola.
Në krye të listës të shënuesve do të qe dhe vitin e shkuar në Serinë A, duke ndarë vendin e parë me Mauro Icardi-n, me 22 gola, për t’u bërë lojtari me moshë më të madhe që arrinte diçka të tillë.
Veterani e ka bërë të qartë se nuk synon të bëhet trajner. Scudetto-ja që nuk arriti të fitonte me Romën është keqardhja e tij e vetme, siç e pohoi vetë. /tesheshi.com/
