Një 21-vjeçar me origjinë nga fshati Zhepin i Strugës por i lindur në Zvicër, Egzon Veliu, së bashku me shokun e tij turk, Baris Yilmaz, thuhet se kanë sfiduar mundësitë e tyre fizike duke realizuar një udhëtim të pazakontë, nga Zyrihu drejt Strugës.
”E gjitha filloi si një bast”, ka thënë Egzoni për “KOHA”-an, duke thënë më tej se ai vazhdon të ushqejë një ndjenjë të fortë për vendin e origjinës, Strugën, të cilën jo më kot e zgjodhi si destnacion fundor.
Sipas rrëfimit të tij, i gjithë itinerari u realizua për 23 ditë me ndalesa të herëpashershme në vende të ndryshme.
“Edhe pse nuk u përgatita, më duhet të them se pavarësisht sfidave që kaluam ishte udhëtim që i’a vlejti në kuptimin e mirë të fjalës. Të udhëtosh për 23 ditë me biçikletë është një gjendje dhe përjetim që nuk e merr në forma të tjera të udhëtimit. E gjitha filloi si një lojë, si një sfidë që bashkë me shokun tim të fëmijërisë në Zvicër, Baris Yilmaz i cili prej 10 vitesh është kthyer të jetojë në Turqi ndërmorëm për të përjetuar një përvojë tjetër”, tha 21-vjeçari strugan. /tesheshi.com/
