Biden i beson një shqiptari/ Ja kush është ambasadori i ri i SHBA-ve në Mal të Zi!
Presidenti amerikan Joe Biden ka caktuar një shqiptar me origjinë nga Maqedonia e Veriut si ambasador të SHBA në Mal të Zi.
Fjala është për Begzat Aliun, i njohur edhe si B. Bix Aliu, i cili ka shërbyer si zv.ambasador në Podogricë dhe si zv.shef i misionit të SHBA-së në Poloni.
Së fundi, ai ka qenë edhe i Ngarkuar i Përkohshëm me Punë në ambasadën amerikane në Budapest. Një diplomat karriere, Aliu ka shërbyer vite më parë edhe në ambasadën amerikane në Tiranë si zyrtar i marrëdhënieve publike.
Caktimi i tij vjen në kohën kur Mali i Zi është në ethet e krijimit të një ekzekutivi të ri, pas përmbysjes së qeverisë së Dritan Abazoviçit në muajin gusht. /tesheshi.com/
