Vendosën që të humbnin peshë së bashku para se të martoheshin dhe ia arritën që të realizonin dëshirën e tyre, të vallëzonin të përqafuar në kërcimin e parë si burrë e grua.
Çifti Shane Graves, 40 vjeç dhe Marissa Schnell, 32 vjeçe, nga Plant City, Florida (SHBA), humbën së bashku 150 kilogramë.
Ata qëndruan të fejuar për shtatë vjet, por nuk arrinin që të vendosnin për të hedhur hapin e madh për shkak të mbipeshës.
Në një moment të caktuar duke reflektuar mbi momentin e kurorëzimit të dashurisë së tyre, ata morën vendimin për të humbur peshë, edhe prej faktit se Shane rrezikonte infarktin.
Të ndjerë në siklet dhe të poshtëruar, ata vendosën që të humbnin peshë. Ata u lidhën në vitin 2007, por fillimisht Marissa nuk e pëlqente, megjithëse thotë se tashmë nuk e imagjinon dot jetën e saj pa të.
Ata këshillojnë edhe personat e tjerë të kenë vullnet për t’u ushqyer shëndetshëm dhe për t’u marrë me sport, në mënyrë që të ndihen fillimisht mirë me veten. /tesheshi.com/
