Nga Blerim Kore
Mbrëmjen e së enjtes është celur në qytetin bregdetar të Sarandës, Panairi i 4-të Kombëtar i Suvenireve “Saranda 2015”, një organizim i Agjencisë Joniane të Mjedisit, Medias dhe Informacionit (AJMMI) në bashkëpunim me Bashkinë e Sarandës. Vendosur në shëtitoren kryesore të qytetit “Naim Frashëri”, dhjetra artizanë nga të gjitha trevat shqipfolëse ekspozojne punët e tyre në kuadër të sezonit turistik.
Prezantim i tradites shqiptare
Rreth 60 stenda ngrihen në gjithë gjatësinë e shëtitores, ofruar falas nga Bashkia, të cilat ekspozojne suvenirët e prodhuar kryesisht me dorë dhe forma tradicionale në material druri, guri, leshi apo edhe me guaska deti.
Panairi ka tërhequr vëmendjen e gjithë vizitorëve të huaj e jo vetëm, por edhe të atyre shqiptarë të cilët kanë treguar interes në blerjen e sendeve te vogla, si suvenire-kujtimi nga Saranda. Artizanët, ku pjesa më e madhe e tyre marrin pjesë për herë të kater në këtë panair, besojnë në pritshmëritë e larta të shitjes së punëve të tyre, bazuar edhe në eksperiencën e edicioneve të mëparshme të Panairit të Suvenirëve.
Shkëlqim Hajno, drejtues i agjencisë AJMMI shprehet i kënaqur me pjesëmarrjen e artizanëve dhe interesin e lartë të vizitorëve dhe pushuesve të Sarandës. Panairi është vlerësuar si hapi i parë, pararendes, drejt një Festivali të pritshëm në shërbim të turizmit dhe zgjimit të traditës për promovimin e suvenirëve dhe punimeve artizanale të popullit shqiptar nga trojet etnike. Interes per “Panair Saranda 2015” po tregohet nga artizanet e Prizrenit, Gjakoves, Prishtines, Shkodres, Tiranes, Gjirokastres, Beratit,,etj.
Nga pikëpamja e lëvrimit dhe teknikave të punës së dorës, eventi përfshin qendistarinë e dorës dhe punët në tezgjah, punime në material druri, bizhuteri dhe veshje kombëtare në guacka të qëmtuara nga brigjet e Jonit, përmes një larmie teknikash aplikative. Panairi “Saranda 2015″ në prurje dhe motive është një mozaik larmish dhe një simfoni e vërtetë e mozaikut etnokulturor shqiptar sipas trevave, shprehje e ndjenjës së hollë estetike të artistëve artizanë shqiptarë dhe një rrugëtim i këtyre trevave drejt një qyteti si Saranda, destinacion i preferuar turistik që kulmon në sezonin veror.
Kryebashkiakja Koka : Panairi prezantim i vlerave të traditës
Kryetarja e Bashkisë së Sarandës njëkohësisht edhe Presidente e Panairit “Saranda 2014”, Floriana Koka, pohon se edicioni i katert i Panairit Kombetar te Suvenireve Turistike me qasje mjedisore, është pjesë e rëndësishme e kalendarit turistik të Bashkisë Sarandë”. Bashkia e Sarandës është mbështetësi kryesor i këtij eventi turistiko-ekonomik, shprehet kryebashkiakja Koka.
Sipas saj ndryshimet mes edicioneve të tjera të panairit të këtij viti janë të dukshme, edhe pse thotë se në vitin e kalur ishin befasuar për të mirë nga organizimi. “Këtë vit panairi është në një nivel më të lartë, u takova me shumë artizanë nga të gjitha trojet e Shqipërisë dhe është një larmi mjaft e bukur e vlerave popullore artistike të popullit shiptar sepse secili pjesëmarrës sjell traditen e zonës nga vjen dhe gërshëtimi i tyre është një gjë e jashtëzakonshme”, shprehet Koka. Ajo thotë se Bashkia gjithmonë e ka mbështetur panairin por prap ka hapësirë për
të kontribuar edhe më tepër.Gjatë diskutimeve të bëra ne hodhem ide të reja se si mund ta mbështesim këtë panair dhe këta artizanë dhe një gjë mund te jetë që përmes bashkive simotra si përshembull ajo e Shkodres nga kanë ardhur shumë subjekte të gjejmë forma për t’i mbështetur ata”, pohon kryetarja e Bashkise se Sarandes. duke hedhur edhe një ide mjaft interesante: “Uroj që ky panair ndonjë ditë të zhvendoset dhe në Kosove sepse do të ishte një gjë shumë e bukur. Ne do të ofronim ndihmën tonë të pakursyer për ta realizuar këtë gjë”. /tesheshi.com/
