Shqipëria renditet e para në një prej faqeve të referimit turistik për t’u vizituar në këtë periudhë COVID, si orientim për qytetarët e vendeve arabe, specifikisht atyre nga Emiratet.
“Pse të shkoj?”, quhet rubrika, kur për Shqipërinë, në krye të shumë destinacioneve në botë, me ilustrim Syrin e Kaltër, thuhet:
“Me vijat bregdetare të Adriatikut dhe Joni, Shqipëria është një thesar në Gadishullin Ballkanik të Evropës Jug-Lindore. Eksploroni vendet arkeologjike dhe kështjellat antike, shëtisni në Alpet Shqiptare dhe kaloni kohë në kryeqytetin, Tiranën.
Në këtë të fundit, duke parë ndonjë gjë në Sheshin Skënderbej, udhëtoni me teleferikun më të gjatë në rajon dhe dilni nëpër kodra për të shijuar natyrën në Parkun Kombëtar të Malit Dajti, pikërisht në periferi të qytetit.
Shqipëria mirëpret qytetarët dhe banorët nga Emiratet e Bashkuara Arabe të cilët mund të marrin një vizë gjatë mbërritjes për një qëndrim maksimal prej 90 ditësh. Nuk ka kërkesa për provë PCR për të udhëtuar në Shqipëri nëse linja ajrore me të cilën po fluturoni nuk e kërkon këtë.
Ndonjë gjë tjetër që duhet të di? Në javën e tretë të këtij muaji, Shqipëria ka në plan të krijojë qendra shëndetësore verore në 29 vende në të gjithë vendin ku udhëtarët do të jenë në gjendje të bëjnë testet COVID-19. Turistët janë të lirë të lëvizin nëpër vend, por u kujtohet t’i përmbahen rregullave të distancës sociale prej 1.5 metrash”, thuhet ndër të tjera aty.
Kujtojmë se qeveria e ka shpallur Shqipërinë një vend COVID Free për sezonin veror, ndihmuar nga fakti i infektimeve më të ulëta në Europë, e gjithashtu vaksinimeve të më larta. /tesheshi.com/
