Kush mund ta kishte menduar se një ninullë do të arrinte të bënte efekt edhe tek një elefant? Ky efekt qetësues i ninullës përpara se dikush të flejë, me sa duket ka efekt edhe tek kafshët gjigante siç janë elefantët. Këtë e dëshmon edhe një video e Sangduen Chailert, themelueses së Chiang Mai’s Elephant Nature Park (Enp), një qendër në Tailandë ku kurohen ekzemplarët e keqtrajtuar.
Sangduen tregon për shtypin se efektin pozitiv të ninullave tek elefantët e ka zbuluar rreth gjatë vite më parë, kur kishte të bënte me një këlysh elefanti të acaruar. Që prej tij kanë nisur eksperimentet edhe me kafshët më të mëdha.
“Sjellja e tyre nuk është shumë e ndryshme nga ajo e qenieve njerëzore. Gjatë eksperiencës time jam hasur me elefantë shumë të turpshëm, të tjerë që janë seriozë apo edhe nga ata që janë tepër argëtues. Mes tyre kam gjetur personazhe të ndryshme, përfshirë edhe nga ata me zë të lartë apo që janë xheloz”, – nënvizon Sangduen, ndërsa shprehet se askush nuk i reziston dot ninullave. /tesheshi.com/
