Mesfushori holandez Frenkie de Jong, i cili nuk është rikuperuar mjaftueshëm nga një dëmtim në kyçin e këmbës, nuk do të luajë në EURO në Gjermani, njoftoi Federata Holandeze e Futbollit (KNVB).
Testet e bëra të dielën dhe të hënën treguan se kyçi i tij i dëmtuar ende nuk është mjaftueshëm i fortë, njoftoi KNVB pas fitores në ndeshjen miqësore ndaj Islandës (4-0) në Roterdam.
De Jong tani do të kthehet në Spanjë për t’u përgatitur për sezonin e ardhshëm me klubin e tij, FC Barcelona.
“Duhet të jem i kujdesshëm që dëmtimi të mos bëhet kronik dhe nuk dua operacion”, tha 27-vjeçari De Jong pak ditë më parë.
Para ndeshjes të së hënës, më 10 qershor, lojtarët |tulipanë” u njoftuan për dorëheqjen e shokut të skuadrës.
“Është e vështirë për të, është e vështirë për ne. Erdhi në një moment të vështirë. Frenkie është një lojtar i rëndësishëm për ne dhe ai është i mrekullueshëm në grup,” tha mbrojtësi Nathan Aké.
Koeman është gjithashtu në telashe me një tjetër mesfushor, Teun Koopmeiners, i cili dëmtoi ijën e tij gjatë nxemjes mbrëmjen e së hënës së 10 qershorit.
“Kjo nuk është një shenjë e mirë,” tha ai. /tesheshi.com/
