Mësuesit nuk do ta kenë vështirë të bëjnë dallimin midis këtyre dy motrave, kur ato të shkojnë në shkollë, javën e ardhshme.
Pavarësisht se kanë lindur binjake, njëra është e bardhë, kurse tjetra e zezë. Mrekullia e njohur si “një në milion”, Marcia dhe Millie Biggs, të dyja 11-vjeçare, dukeshin pothuajse identike kur u lindën së pari në korrik të vitit 2006, por dallimet e tyre u bënë të qarta shumë shpejt.
Derisa Millie filloi të marrë ngjyrë më të errët, Marcia me sy të kaltër mori një ten më të çeltë, duke rritur flokët bjonde dhe kaçurrelat.
Marcia trashëgoi nga nëna e saj ngjyrën e çeltë dhe flokët ngjyrë kafe të artë, ndërsa me kaçurrelat e saj ngjyrë të mbylltë dhe lëkurën ngjyrë kafe, Millie ka përngjarë në babanë e saj Michael, 50 vjeç, i cili është me origjinë xhamajkane.
Ndërkohë që vajzat tani po përgatiten për të vijuar mësimet në shkollën e tyre të re, Shkollën e Biznesit Ndërkombëtar King Solomon në Aston, Birmingham, të enjten, mamaja e tyre Amanda, 46 vjeçe, duhet të paralajmërojë mësuesit e tyre për faktin se ato janë binjake.
Ajo thotë: “Kur u tregoj njerëzve se ato janë binjake, ata gjithmonë mbesin të habitur.” “Ndonjëherë acarohem kur njerëzit më ndalojnë në rrugë, por pastaj kujtoj sa të bukura dhe sa me fat janë ato, dhe acarimi largohet”, thotë ajo. /tesheshi.com/
