Dy trupa për tre motra binjake identike. Të shtunën e shkuar kanë ardhur në jetë në Teksas tre femra binjake identike, të lindura në dy trupa. Prindërit Silvia Hernandez e Raul Torres, në spitalin Corpus Christi Medical Center janë njohur me të voglat e tyre Catalina, Ximena e Scarlett, të cilat kanë një peshë identike (peshkojnë më pak se 2 kg).
Lindja natyrale e tre binjakeve identike është e rrallë dhe sipas mjekëve. Ky është një rast në një milionë. Lindja e këtyre binjakëve siamezë është me të vërtetë e rrallë dhe ndodh një në 50 milionë.
Përpara se të bëjnë ndarjen e të voglave siameze duhet pritur gjashtë muaj deri në një vit. Çifti, i cili ka edhe një fëmijë të moshës 3 vjeçare dhe janë përballur me një shtatzëni të vështirë, kanë hapur një faqe në GoFoundMe për të mbledhur fonde në mënyrë që të përballojnë kurat e nevojshme mjekësore.
Nëna tregon në Facebook se ka qarë, jo sepse ka pasur tre vajza njëkohësisht (të cilat në fakt nuk i priste), por sepse duhet të bënte më të mirën “për tu dhënë atyre një jetë më të mirë” dhe sepse “mjekët i kishin thënë se duhej të kuptonin dhe të pranonin mundësinë se sapo vajzat të vinin në jetë, mund të vdisnin”.
Vajzat kanë lindur para kohe, në javën e 34 të shtatzënisë, por sipas mjekëve janë në gjendje shumë të mira shëndetësore. “Është si një dhuratë nga Perëndia. Ai na zgjodhi në për tu kujdesur për to”,- ka thënë babai në një intervistë për shtyp. /tesheshi.com/
