Një statujë e ish-diktatorit serb dhe të paditurit të Hagës, Slobodan Millosheviç, iniciatori i luftërave shkatërruese në territorin e ish-Jugosllavisë në Slloveni, Kroaci, Bosnje dhe Kosovë, u vendos në Moskë.
Në zbulimin e monumentit në shoqërinë e liderit të “Ujqërve të natës”, Aleksandar Zaldostanov, ishte i pranishëm edhe Marko Millosheviç, djali i Sllobos.
Aleksandare Zaldostanov, është një mike i ngushtë e Vladimir Putinit, dhe vetë Putin është një anëtar nderi i një klubi motoçikletash që mbështet agresionin kundër Ukrainës dhe mbron zbatimin e ideve të “botës ruse”, ku “Ujqërit” janë një “dekoratë” e përhershme në ngjarjet pro Putinit.
“Siç thuhet në këtë pllakë, për fat të keq ne ishim një provë për atë që ndodhi në Rusi dhe çfarë po ndodh tani në Ukrainë. Kriza jugosllave, luftërat jugosllave, është e gjitha njësoj, e vetmja gjë është se ky tani është një version i përshpejtuar në Ukrainë. Fatkeqësisht, ne e humbëm betejën, por shpresoj se nuk e humbëm luftën. Nga gabimet tona dhe nga fati ynë, rusët morën një mësim dhe ne do të fitojmë!”, tha Millosheviç.
Marko Millosheviç dyshohet në Serbi për pjesëmarrje në krimin e organizuar. Pas rënies së regjimit të babait të tij më 5 tetor 2000, ishte një mundësi për të hetuar biznesin e të riut Millosheviç.
Megjithatë, ai u largua nga Jugosllavia vetëm dy ditë më vonë. Ai u përpoq të shkonte në Pekin me një pasaportë false, por u deportua në Rusi më 9 tetor.
Për të në Serbi ka një urdhër të kuq të Interpolit, sipas të cilit ai duhet të arrestohet nëse paraqitet në atë vend.
Pojavio se snimak Marka Miloševića na otkrivanju Miloševićevog spomenika u Moskvi. Tu je sa Putinovim Noćnim vukovima, koji su bliski i Vulinu.
Nadam se da će Beograd zatražiti od Rusije da isporuči lice za kojim je raspisana crvena Interpola poternica. Posle 23 godine! pic.twitter.com/DJXAyoT8Nr
— Kosta Konstantinović 🇪🇺🇺🇦🇬🇪 (@KostaKonstan) June 13, 2023
Sa i përket shtatores së Sllobodan Millosheviçit, ajo është një skulpturë e derdhur në bronz në Serbi, është dy metra e lartë (portalet serbe flasin për një monument tre metra të lartë) dhe është vepër e skulptorit akademik nga Beogradi Dragan Radenoviç. /tesheshi.com/
