Një mjek i aftë por edhe shumë i kujdesshëm ndaj kërkesave të pacientëve të tij të vegjël. Ky është rasti i një fëmije 2-vjeçe, e cila duhej t’i nënshtrohej një ndërhyrjeje kirurgjikale në zemër dhe ishte tërësisht e tmerruar.
Vajza e vogël qante vazhdimisht dhe kërkonte të atin, ndaj profesori Shi Zhuo, kardiokirurg kinez në një nga spitalet në Zhejiang, gjeti një zgjidhje të thjeshtë dhe shumë efektive për ta bërë që të ndihej mirë.
Ai nxori smartfonin e tij dhe i tregoi një seri kartonësh të animuar. Vajza pushoi së qari dhe mjeku arriti ta operonte me sukses.
Fotografitë e shkrepura në këtë rast janë publikuar në rrjetin Imgur dhe kanë patur një sukses të madh mes përdoruesve të këtij rrjeti./tesheshi.com/
