Real Madrid njihet historikisht për blerje të bujshme dhe shumë të kushtueshme. Madrilienët kanë shpenzuar shuma marramendësi për të ndërtuar “fortifikatën” mbrojtëse e cila do të jep siguri në ndërtimin e skuadrës. Ardhja më e re te kampionët e botës është mbrojtësi i krahut të djathtë Danilo që kushtoi hiç më pak se 31.5 milionë euro dhe bëhet mbrojtësi më i shtrenjtë në histori të klubit.
Mbrojtja po del të jetë problemi kyç i merenguesëve në vazhdimësi, prandaj drejtuesit e kësaj skuadre kanë menduar ta blindojnë atë duke sjellur në skuadër lojtarë të rinj. Por, kjo si duket do ti kushtojë presidentit Florentino Perez i cili tashmë ka hapur kuletën për të sjellur lojtarë të rinj.
“Tesheshi.com” ju sjell ekskluzivisht top 10 blerjet më të shtrenjta të Real Madridit për repartin e mbrojtjes.
1. Danilo: 31.5 milionë (Braziliani i sapo ardhur në kampin madrilien bëhet mbrojtësi më i shtrenjtë në histori të klubit. Futbollisti që luan në krahun e djathtë të mbrojtjes ishte pjesë e Portos para se ti bashkohej gjigantit spanjoll).
2. Coentrao: 30 milionë (Portugezi erdhi nga Benfica për të forcuar krahun e majtë të mbrojtjes, tani e katër sezona më rradhë).
3. Pepe: 30 milionë (Portugezi erdhi nga Porto në vitin 2007, për të përforcuar qendrën e mbrojtjes e cila ishte e pasigurt nga Cannavaro dhe Metzelder. Tani është bërë njëri ndër lojtarët më të padiskutueshëm në formacionin e Real Madridit).
4. Sergio Ramos: 27 milionë (Real Madridi e solli andaluzianin pak para se të mbyllej afati kalimtar veror në vitin 2005, duke i paguar klauzolën klubit të tij Sevilla).
5. Samuel: 25 milionë (Klubi madrilien pagoi Romën për një mbrojtës të hekurt në vitin 2004, por që shumë shpejtë do të kthehej andej ka kishte ardhur pasi nuk bindi me formën e tij).
6. Woodgate: 22 milionë (Mbrojtësi më i mirë në ishull zbarkoi në Madrid në vitin 2004, por edhe ky do të kthehej andej ka kishte ardhur Newcastle pasi lëndimet nuk e lanë të qetë në asnjë moment anglezin).
7. Albiol: 15 milionë (Qendërmbrojtësi u transferua nga Valencia në vitin 2009, për të përfunduar pas tre sezonave në Napoli, për shkak se nuk bindi drejtuesit e klubit madrilien për më shumë).
8.Cannavaro: 14 milionë (Topi i artë në vitin 2006 iu bashkua Real Madriditi. Fitoi disa tituj në Spanjë për të qenë garanci e mbrojtjes madriliene por që u rikthye sërish tek Juventus pas tre sezoneve në Madrid).
9.Varane: 10 milionë (Real Madridi pagoi më së paku për lojtarin më të mirë. 10 milionë euro kushtoi transferimi i francezit nga klubi Lens në vitin 2011).
10.Cicinho: 5 milionë (Braziliani erdhi si zëvendësues i Roberto Carlosit në vitin 2006, nga San Paolo, por nuk arriti asnjëherë të dëshmoj vlerat e tij). /tesheshi.com/
