Këto ditë në agjensitë e shitjeve online E Bay është vënë në shitje edhe një objekt interesant.
Një skulpturë orientale në terrakotë që paraqet një ushtar osman të njohur me emërtimin historik jenicer, pjesë e trupës elite të asaj periudhe të perandorisë së njohur.
Objekti historik është punuar me realizëm dhe shije të hollë artistike. Kjo e bën atë shumë tërheqëse për këdo që e shikon, nga eleganca e punimit në ar dhe finesa artistike e autorit që e ka konceptuar.
Po ashtu, merr vlera dhe nga besnikëria në detaje e armatimit duke filluar që nga jatagani, shtiza, pisqolla, mburoja, veshjet e mrekullueshme të paraqitura hollësisht deri në ngjyrat e asaj periudhe megjithë vjetërsinë e objektit.
Terrakota e jeniçerit ka një lartësi prej 63 cm. Vepra është vënë në shitje nga qyteti Norman i Okllahomës në SHBA. Ka çmimin 4900 $. /tesheshi.com/
