“Doja të shkoja në Gjermani që të mund të kuroja më mirë Raghad, ndoshta nëpërmjet qelizave staminale, por nuk ia arritëm. Ky faj do të më mundojë gjatë gjithë jetës”. Kështu është shprehur 48-vjeçari Eyas Hasoun, babai i të voglës Raghad, vajzës 11 vjeçare, e cila ndërroi jetë ndërsa lundronte në brigjet Siçiliane.
E sëmurë nga diabeti, vajza ndodhej në barkë bashkë me prindërit dhe disa persona të tjerë. Kur skafistët me kombësi egjiptiane morën një nga çantat e tyre për ta hedhur në det, për shkak të peshës, i ati kundërshtoi, por pa asnjë rezultat.
Për shkak të mungesës së insulinës, gjatë udhëtimit, e vigla ra në koma dhe më pas ndërroi jetë. Eyes tregon ato momente të tmerrshme për ‘Corriere della Sera”. “Skafistët, pavarësisht lutjeve tona, e hodhën në det çantën me ilaçe të vajzës time”,- thotë 48-vjeçari.
Familja Hasoun, me origjinë nga Aleppo, ku kishin një biznes të madh për shpërndarjen e ilaçeve, ishte larguar për në Egjipt në vitin 2013, pasi nisjes së luftës civile. Mirëpo, as aty gjërat nuk shkuan mirë dhe vendosën të kalojnë detin.
“Kishim pregatitur dy çanta me aparaturat për matjen e diabetit dhe gjithçka tjetër që i duhej Reghad. Njërën e mbante ime shoqe ndërsa tjetrën unë, në mënyrë që edhe nëse ishim të ndarë nga njëri-tjetri, të mund t’i vinim në ndihmë vajzës. Njëra prej çantave u lag kur po hipnim në barkë, ndërsa tjetrën ia morën nga duart time shoqeje dhe ia hodhi në det një prej skafistëve”,- tregon babai i gjorë.
Pa insulinë vajza nisi të ndihej keq. 5 ditë pas ngjarjes tragjike, i ati shprehet: ‘Mërmëriste babi, babi dhe nuk kishte forcë të shtonte asgjë më shumë. Më pas u shua përfundimisht’. /tesheshi.com/
