Një grua nga Kina rrezikon të humbasë tërësisht shikimi pasi iu nënshtrua në sërë ‘seancash’ me grushta dhe shqelma, të cilat besonte se do t’i zgjidhnin problemet e shumta me shëndetin. E moshuara ishte e bindur se duke u goditur në kokë dhe pjesë të tjera të trupit do të mund t’i shëronte disa nga sëmundjet e saj.
Me sa duket, gruaja (të cilës i dihet vetëm emri, Bao) kishte ndjekur këshillat e një ‘terapisti’ i cili thoshte se ndiqte shkollën e ‘shokut natyror’. Gruaja kishte vendosur t’i nënshtrohej kësaj terapie dy ose tre herë në javë. Dhe paguante për këtë.
Pasi iu nënshtrua 160 ‘seancave’, gruaja fillo ta kuptonte se shëndeti i saj jo vetëm që nuk po përmirësohej, por përkundrazi po i shfaqeshin probleme të tjera. Kishte filluar të mos shihte mirë nga syri i djathtë. Pasi i vuri në dijeni ‘terapistët’ ata i kishin thënë që të mos shqetësohej pasi këto ishin vetëm efekte të përkohshme.
Pasi shikimi iu përkeqësua ndjeshëm, ajo vendosi të vizitohej te një mjek i kualifikuar, i cili e vuri në dijeni se kishte kaluar traumë si pasojë e këtyre ‘terapive’. Pas kësaj gruaja ju drejtua prapë ‘terapistëve’ të cilët arritën ta bindnin përsëri që t’i nënshtrohej seancave të ‘shokut natyror’.
Vetëm pasi gruaja e humbi tërësisht shikimin në syrin e djathtë dhe pati një përkeqësim në syrin e majtë, vendosi të hiqte dorë dhe t’i denonconte ‘terapistët’. Ata duhet ta dëmshpërbejnë gruan me një shumë prej 100 mijë yuan, të barazvlefshme me 15 mijë euro.
Mjekësia alternative është mjaft e përhapur në Kinë, por pasi historia u bë publike kjo i ka habitur shumë vetë: si mund të besoj dikush se një një terapi e tillë mund ta shërojë?
