Një i ri sulmoi femrat që prisnin trenin në një stacion metroje në Barcelonë, Spanjë.
Sulmet ndodhën, sipas Daily Mail, mëngjesin e së premtes, konkretisht në orën 09:55, në stacionin Camp de l’Arpa në linjën pesë të metrosë së Barcelonës, ndërsa pamjet nga një kamerë me qark të mbyllur tregojnë sulmuesin duke hyrë në platformë dhe befas të fillojë të godasë çdo femër që ka përballë.
Kur pasagjerët e tjerë kuptuan se çfarë po ndodhte, nuk patën kohë të reagonin dhe ta ndalonin para se ai të godiste me dhunë edhe një vajzë, e cila mbante kufje dhe shikonte celularin teksa priste trenin. Goditja ka qenë aq e fortë sa ajo ka rënë në tokë. Sipas Daily Mail, e reja dyshohet se ka pësuar një shpim të daulles së veshit.
Sulmuesi u përpoq të arratisej kur disa nga pasagjerët e ndoqën, ndërsa u arrestua pak kohë më vonë nga rojet e sigurisë së Agjencisë së Transportit të Barcelonës (TBM) dhe iu dorëzua njerëzve të policisë katalanase, Mossos d’Esquadra.
Policia po heton nëse sulmuesi ishte nën ndikimin e pijeve apo drogës. /tesheshi.com/
