Grupi parlamentar i NISMA për Kosovën vlerëson se opozita do të duhej të kthehej në kuvend pas një proteste të gjatë e pothuajse të pa shembull në historinë e parlamentarizmit demokratik, pasi e gjithë ajo përpjekje e cila ishte një “sui generis” në historinë e demokracisë parlamentare, është bërë për çështje të një rëndësie të veçantë për kombin e shtetin.
“Kthimi pa arritur as një garanci, se do të hiqeshin nga rendi i ditës nga ky mandat qeverisës, dy marrëveshjet e trajtuara si kauzë nacionale, do të ishte disfatë më e madhe për opozitën sesa vazhdimi i bojkotit.
Opozita me gjithë dallimet që ka dhe që i ka pasur që nga fillimi, është dashur që kthimin në kuvend ta kushtëzonte, se paku me heqjen dorë të koalicionit qeverisës nga çdo përpjekje për miratimin e marrëveshjeve në fjalë. Kthimi i opozitës në punët e Kuvendit në mënyrë parciale si po tenton LVV-ja, është shkuarje siç thotë populli “si cjapi të kasapi”. Ndryshe kjo do të thotë mungesë e konsistencës politike”, thotë NISMA.
Partia e Fatmir Limajt thotë se opozita do të duhej të kthehej, por jo e çakorduar dhe e bërë “pikë e pesë” siç thotë nga “gjeneralët” e protestave në rrugë! /tesheshi.com/
