Rreth 11500 tatimpagues kanë përfituar nga fshirja në mënyrë automatike e detyrimeve në mbi 50 mijë raste.
Drejtoria e Përgjithshme e Tatimeve bëri të ditur se në zbatim të ligjit “Për Pagesën dhe fshirjen e pjesshme të detyrimeve tatimore, doganore, si dhe procedura e heqjes nga qarkullimi të mjeteve të transportit” dhe Udhëzimit të Ministrisë së Financave në zbatim të tij, pasi përmbylli me sukses proçesin e fshirjes së detyrimeve për mosdeklarim në afat, implementoi fazën e parë: Fshirja automatike e detyrimeve të papaguar të interesave për pagesë të vonuar si edhe çdo penaliteti për të cilin nuk ka principal të papaguar, për periudhat mujore deri më 1012 (Dhjetor 2010, përfshirë) dhe periudhat vjetore deri më 10-A (përfshirë).
Sipas të dhënave, rezulton se nga fshirja automatike kanë përfituar të gjithë kategoritë e tatimpaguesve që kanë patur detyrime të tilla, pavarësisht nga statusi i tyre aktual. Llojet e detyrimeve që janë fshirë nga sistemi elektronik për pagesë të vonuar janë:
- Interesa për pagesë të vonuar
- Gjoba për pagesë të vonuar
- Dënime administrative
Tatimet bëjnë të ditur se procesi i fshirjes automatike do të vijojë hap pas hapi me çdo zë që parashikon legjislacioni./tesheshi.com/
